Michael Usifo Ataga, Chidimma: ‘Super TV CEO murder suspect’, Lagos police name Unilag student

‘Chidimma Adaora Ojukwu’ dey tell police wetin she know about di alleged murder of Michael Usifo Ataga wey be Lagos billionaire and Super TV CEO.

18-August-2022

Lagos State Police Command nab Chidinma wey be 21-year-old student on Wednesday.

Dem arrest her some days after police begin search for one female suspect for di mata.

Police believe say na she dey with Ataga last, before dem find im lifeless bodi last week.

On Thursday Police name Chidinma di prime suspect for di alleged murder of di Super TV CEO.

“Di suspect confess to stab di deceased wit kitchen knife after a struggle.”

Na wetin Lagos State Commissioner of Police, Hakeem Odumosu tell tori pipo.

She confess to di alleged crime inside Police custody for Lagos on 24 June, 2021.

Police parade di student [Chidimma] before newsmen inside Nigeria commercial capital.

Na concerned friends and family report say Ataga go missing since Sunday 13 June.

Di Lagos billionaire bin dey live inside Banana Island, one fancy area of ogas at di top.

On 20 June wen di death of Ataga comot, CP Odumosu tell BBC Pidgin say:

Di crime happun inside a three bedroom flat for Lekki Phase 1.

Now, dis be important informate BBC Pidgin discover about dis young lady wey be di alleged prime suspect:

Chidimma Adaora Ojukwu: Wetin we know about her profile

Chidimma Adaora Ojukwu na 300 level student of University of Lagos Unilag.

She dey study mass communication for University of Lagos, according to di police.

She dey live wit her parents for Alagomeji area for Yaba Lagos.

Na for dis her parents house police say dem arrest her.

University of Lagos tok-tok pesin Nonye Oguama don confirm to BBC Pidgin say di alleged murder suspect na dia student.

Until dis alleged murder investigation, Chidimma Ojukwu bin dey run part time studies for Unilag, Mrs Oguama tok.

Lagos police command say dem arrest Chidimma for her parents house on Wednesday night.

Usifo Ataga, Lagos billionaire ‘suspected’ murder – How e happun

Police don confirm how di ‘suspected’ murder of Lagos billionaire Michael Usifo Ataga happun for Nigeria commercial capital.

Na one lady [Chidimma Adaora Ojukwu] wey dey on di run dat time na im police say kill di Super TV CEO afta dem find Ataga lifeless bodi on Thursday 18 June, 2021 .

Lagos Police Commissioner Hakeem Odumosu tell BBC Pidgin say di crime happun inside a three bedroom flat for Lekki Phase 1.

“Di man [Michael Usifo Ataga happun] join her dia on Sunday. Then on Thursday di man suppose go to Abuja to meet im wife for dem to celebrate im 50th birthday.

“Unfortunately dat day e no come out. “Im apparently lock di door and wen dem force di door open, dem unfortunately see im lifeless bodi on di floor.”

“E [Michael Usifo Ataga happun] bin dey wit only boxers inside a pool of blood,” according to di Lagos police boss.

Di police oga add say dem find out say di lady [referring ‘Chidimma Adaora Ojukwu’] wey bin dey with am claim to be one Americana wen she meet di billionaire.

Reports say Ataga wey dey live inside Banana Island, na concerned friends and family report say im go missing on Sunday 13 June.

Dis na after all efforts to reach him no succeed, e come put everyone in a panic mode including his wife and family in Abuja.

Police tell BBC Pidgin say di lady take im phone and ATM card wit her.

“Na block of flats wey somebodi rent, but di pesin no dey live dia, so di pesin convert di place to a short let.”

“May be na di man rent am ask di lady to move in dia or di lady book and di man join, but both of dem bin dey dia on Sunday,” CP Odumosu add.

“Dem stay dia for three to four straight days, moving out together wit di man car. Di three bedroom flat na service apartment”

Local media dey report say Nigeria secret police [DSS operatives] all di way from Abuja, through di efforts of di wife, track down di owner of di Airbnb domot.

Na di owner of di apartment wey receive payment from di lady bank account into which Ataga bin previously make a transfer for di payment to, di media report add.

On di whereabouts of di suspected murderer, di police chief say:

“She bin make withdrawals of undisclosed amount of money from di ATM card she allegedly take from Ataga, afta im death, and when we get to know we block am.”

CP Hakeem Odumosu also tell BBC Pidgin say dem don inform di Super TV Nigeria CEO family and all concerned about di suspected murder.

“If to say na hotel, at least di information wey dem for don enter for help, may be CCTV for help but in dis case di place na just a block of flats wey be residential.”

Di pesin wey rent di apartment to di lady on di run dey police custody and dey help wit information wey fit lead to her arrest.

Di Range Rover car, wey Michael Usifo Ataga cari go di place wia im suspected murder happun, dey police hand, CP Odumosu add.

"Usifo Ataga Chidimma": 'Super TV CEO Michael Usifo Ataga alleged murder' [Lagos police name suspect]

Michael Usifo Ataga biography

Michael Usifo Ataga don be Chief Executive Officer at Super Network Limited since April 2014 until im murder, according to im LinkedIn profile.

SuperTV, na wetin dem call Super Network Company wey be Over-The-Top [OTT] media streaming entertainment company for Ikoyi, Lagos.

Michael Usifo Ataga get wife and children wey report say dey base for Abuja.

Late Ataga, wey life end at 50 years of age bin attend University of Benin between 1988 and 1995.

Police say investigations still dey on di suspected murder case.

Dangerous high profile murder cases like dis [Michael Usifo Ataga death] dey happun from time to time for Lagos.

For December 2019 one domestic staff connive stab MD of Maersk Nigeria, kill im wife for Lagos.

Police say dem go charge Chidinma go court.

Tori been comot for Friday say police also arrest her papa unto say im try to stop police from arresting her daughter.

But police tok tok pesin tell BBC Pidgin say im no dey aware of di arrest.

Author: BOSS

Beatzjam is south African No. 1 Entertainment platform that provide his users with latest urban News,Songs Like Hip Hop, Gqom, Amapiano. beatzjam.com was founded in the year 2019 working together with South African Popular DESCARGAR MP3 AQUI websites Fakaza, Flexyjam, Hitvibes, Hiphopza, Zamusic, iol.co.za,Bekaboy, Youtube, Mdundo, Naijaloaded,tooxclusive, Justnaija, netnaija,and (metrolagu, stafaband, matikiri, ilkpop) Naijavibes more. For more Info Contact (Mhizter Rõçky Bøy) on facebook.com

Leave a Reply

Your email address will not be published.